Развојна е екосистем за личен, професионален и општествен развој.

2012: Почеток што беше многу повеќе од случајност

Некогаш животот не шепоти – туку не повикува. Тогаш, во 2011, нешто во мене рече: „Ова не е само професионална и лична приказна. Ова си ти и светот – па повели остави поинаков печат – за големо добро.“
Во тие моменти, сè што ми беше познато доби друга форма – ја открив мојата мисија да водам, поддржувам и да создавам простори за трансформација. Истовремено доев бебе, растев богатство комплетно сама и довршував факултет.
За некого тоа беше промена. За мене – враќање дома.
Можеби веќе чувствуваш дека има нешто повеќе... и можеби, баш сега, си подготвен/а да се сетиш кој/а си.

2014: Први чекори кон нешто што веќе го носев во себе

Започна визионерската работа – не како обединување во организација, туку како жив организам што дише со секоја приказна на оние што доаѓаат и си заминуваат.
Секоја акција, собир, обука, сесија, работилница – беа врата што води до уште понежното себе.
Ти го знаеш патот. Јас само те поддржувам да се сетиш. Го чувствуваш во себе. Ќе го валидираме заедно преку јасност.

Клучни моменти:
Поставување системи за личен и професионален развој
Почетоци на работа со тимови и лидери – особено жени визионерки и мажи со отворено срце

2015: Храброст што се претвора во движење

Не знаев како, но знаев зошто.

Во дваесттите години, самохрана мајка, со глас што трепери – но срце што не отстапува. Создадов организација. Влегов во институциите. Кокреирав јавни политики.
И — отворив простор за над 5.000 жени да се препознаат, соберат и запомнат дека не се сами.
Храброста не е отсутност на страв – туку љубов поголема од се.
Ова беше мојата точка на пресврт. И почетокот на една нова ера.

2016: Бизнис со душа, мисија со структура

Одлучив – време е да креирам економска можност, не само поддршка.
Го создадов моето прво социјално претпријатие, насочено кон вработување и оспособување на девојки и жени од ранливи позадини.
Патот ме научи повеќе од сите обуки:
Што значи да водиш. Да обучуваш. Да менаџираш... пред сè со себе во многу предизвикувачки услови.

Енергијата е твојот најважен ресурс.
И штом ја усогласиш со твојата мисија – стануваш несопирлива

2017: РАСТ

Работејќи на зајакнување на моите тимови од организацијата и социјалното претприемништво, многу природно дојде да создадам едукација што ќе носи долгорочен ефект.
Го дизајнирав мојот прв целогодишен тренинг, фокусирајќи се на индивидуален и корпоративен развој, програми за вистинска трансформација.
Енергијата и самостојноста се клучни за успех.
И кога ја усогласиш со твојата мисија, стануваш несопирлива.
Како твојата енергија се усогласува со твојата мисија? Како се прилагодуваш на новите предизвици и дали растеш од нив?

2018: Алати кои отвораат нови мапи

НЛП, коучинг, енергетски пристапи – но и нешто што не се учи: интуитивно присуство. Се обраќав на ниво каде што зборовите стануваат вибрации, а сесиите – промена што се чувствува во телото, не само во умот.
Можеби не знаеш точно како, но ќе почувствуваш кога ќе почне да се менува...
Ќе се препознаеш во ова.
И ќе откриеш нешто ново што никогаш не си го видел/а во себе.
Клучни резултати:

Индивидуални клиенти кои одеа подлабоко отколку што мислеа дека е возможно
Тимови што почнаа да функционираат не само со стратегии – туку со синергија

2019: Патувања, консултации и предавања

Патувајќи низ светот, сфатив дека потребата за мојата работа не е само локална, туку глобална. Од надвор почнав да добивам барања за консултации за женски права и родови прашања. Тоа беше знак дека она што го правам има силно влијание.
Набрзо следуваше и понуда да предавам родови науки на колеџ, каде што започнав да го пренесувам моето знаење на нови генерации, подготвувајќи ги да ја разберат важноста на правдата и еднаквоста, а ова не беше возможно суштински да се предаде ако не се почне од почеток. Па вака се родија Почни од себе продукт услугите.
Прифаќањето на мојот холистички пристап, автентичност и проактивност ме лансираа во мојата „нова ера“ па почнав да испишувам „нова библија„ и во приватноста.
Потребата за оваа холистичка работа беше поголема од што можев да замислам.
И кога ја почувствував таа глобална поврзаност, мојата мисија само се засили.
Како твоето патување те инспирираше да продолжиш со твојата работа?
Што ти дава поттик да делуваш кога знаеш дека твојата работа има глобално влијание?

2020: Надвор од граници – онлајн, но интимно

Додека светот се затвораше, се отворија внатрешни врати.
Онлајн програмите станаа патеки до сржта, а контактот со клиенти од целиот свет го проширија досегот и длабочината.
Новата библија во мојата приватност ме направи мајка на второ сонце, и веќе знаете, се препородив и надојдов како стерна и во останатите сфери на кариера и приватност.
Ова не е обична онлајн сесија. Ова е простор каде што ќе почувствуваш дека си виден/а.
Јасно водени модули, етапи и резултати.
И простор за импровизација, слобода, твој ритам.

2021: Отпуштање и нов почеток

Ослободив стари патерни, обрасци и соработници кои не беа спремни за квантен скок. Овие ослободувања ми овозможија да се фокусирам на вистинските работи.
Во исто време, родив ќерка и започнав ново поглавје како мајка на три деца. Мајчинството ми донесе лудачка присутност и нова разумност, како и длабока поврзаност со мајката Земја.
Последователно на овие силни искуства, ја создадов програмата Квинтастични, која беше клучна за Развојната академија да стане мојот главен фокус на работење. Таа програма не само што ја трансформираше мојата работа, туку и целосно ја пренасочи мојата енергија и визија кон комплетно манифестирање.
Ослободувањето ми донесе нова свест за вистинските вредности и фокус.
Кога ги споив сите улоги – мајка, лидерка, професорка, претседателка, управителка, менаџерка, тренер и коуч – создадов силен баланс кој беше клуч за да сум исполнета во постоењето.

Како една врата отвора нови незамисливи?
Како се испреплетуваат приватниот и кариерниот живот? Како се поддржуваат взаемно? Тука сум да истражуваме!

Денес: Визија што се живее

Денес, не работам – туку вибрирам со мисија.
Работам со жени што знаат дека не мора да избираат меѓу интуиција и резултати, и мажи што се доволно храбри да се појавуваат целосни.
Со организации што го бараат идниот нововековен начин на водење – не само подобар од сегашниот, туку подлабок почовечки.
Твојата визија е важна. И заслужува структура, водство и љубов.
Време е. Затоа што веќе не можеш да останеш таму каде што беше.
И затоа што можеш повеќе отколку што сега замислуваш.
Можеби ти треба само еден повик. Или еден допир што ќе те разбуди.
Во овој простор, нема случајности. Има избори. Има сенки што стануваат светлина. Изворност!
И можеби, баш тука, започнува твојот нов круг.